शनिबार, जेष्ठ ५, २०८१
काठमाडौं । ललितपुरको हात्तीवनस्थित मेटल उद्योगमा आगलागी हुँदा मृत्यु भएका व्यक्ति काभ्रेका भएको पुष्टि भएको छ ।
मृतक काभ्रेको भुम्लु गाउँपालिका सल्लेका ५० वर्षीय भोजबहादुर पहरी रहेको प्रहरी परिसर ललितपुरले जनाएको छ ।
ललितपुर महानगरपालिका–२३ हात्तीवनस्थित सिक्मा मेटल इन्टेक्स प्रालिमा शुक्रबार बिहान ६ बजे आगलागी भएको थियो । आगो निभाइसकेपछि एक व्यक्ति जलेको अवस्थामा मृत फेला परेका थिए ।
उनको शरीर जलेकाले मृतकको सनाखत हुन सकेको थिएन । मृतकका आफन्तले शव सनाखत गरेको प्रहरीले जनाएको छ ।
