काभ्रे : काभ्रेको स्थानीय तहहरुले बिगतका वर्षहरुमा जस्तै यो आर्थिक वर्षमा पनि लक्षित वर्गका लागि बिजेट बिनियोजनलाई प्राथमिकता दिएका छन् । भुम्लु गाँउपालिकाले एक मुष्ट ४५ लाख रुपैंया बजेट बिनियोजन गरेको गाँउपालिकाका उपाध्यक्ष कल्पना श्रेष्ठले जानकारी दिनुभयो ।
पालिकाले बालबालिका, महिला, दलित, जेष्ठ नागरिक र अपाङ्गता ब्यक्तिहरुको क्षमता बृद्धि तथा आर्थिक उपार्जनका लागि ४५ लाख रुपैंया बजेट बिनियोजन गरेको हो । गाउँपालिकाले लकिाले गत अपाङ्गता भएका ब्यक्तिका लागि ३० लाख रकम छुट्याएको थियो ।
यस्तै पाँचखाल नगरपालिकाले चालु आर्थिक वर्षमा लक्षित बर्गको लागि ८० लाख रुपैया रकम बिनियोजन गरेको छ । आयआर्जनमा बृद्धि गर्ने योजना अनुसार अपाङ्गता र महिलाका लागि क्षमता अनुसारका सिपमुलक तालिमहरु प्रदान गरिने उपप्रमुख लक्ष्मी दनुवारले जानकारी दिनुभयो । जेष्ठ नागरिक, बालबालिका तथा दलित समुदायको लागि पनि बिभिन्न कार्यक्रमहरु नगरपालिकाले सञ्चालन गर्ने उहाँको भनाई छ ।
उता मण्डनदेउपुर नगरपालिकाले महिला तथा बालबालिकाको क्षेत्रमा का मगर्न ५० लाख रुपैंया बिनियोजन गरेको छ । त्यस्तै अपाङ्गता भएका ब्यक्तीको पुर्नस्थापनाका लागि ५० लाख रुपैंया बजेट बिनियोजन गरेको छ । उपप्रमुख निर्मला शाहीले जानकारी दिनुभयो । कृषि तथा पशुपंक्षि पालन र प्रविधि सहितको सिपहरुमा लक्षित वर्गको कार्यक्रम केन्द्रीत गर्ने नगरपालिकाले योजना बनाएको छ ।
यसैबिच पनौति नगरपालिकाले लक्षित वर्गको कार्यक्रमका लागि सशर्त अनुदान बाहेक ५५ लाख रुपैंया बजेट बिनियोजन गरेको छ । एक करोड भन्दा बढी रकम बालबालिकाको क्षेत्रको लागि छुट्याईएको उपप्रमुख गिता बञ्जराले जानकारी दिनुभयो । गत वर्ष नगरपालिकाले जेष्ठ नागरिकको लागि सम्मान कार्यक्रम, न्यानो कपडा तथा पौष्टिक आहार वितरण कार्यक्रम गरेको थियो ।
यो वर्ष पनि उक्त कार्यक्रमलाई निरन्तरता दिने योजना नगरपालिकाले जनाएको छ । अपाङ्गता भएका ब्यक्तिको मागका आधारमा कार्यक्रम बनाईने र संबोधन गरिने उपप्रमुख बन्जाराले बताउनुभयो । गत वर्ष जस्तै लक्षित समुदायका लागि यो वर्ष पनि बिउ पुँजी कार्यक्रमलाई निरन्तरता दिने उपप्रमुख बञ्जराले बताउनुभयो ।