काभ्रे : २०७२ सालको भुकम्प पछि निजि आवाज पुन निमार्णको लाभग्राही सूचिमा परेका काभ्रेको भुकमप प्रभावित मध्ये हाल सम्म ५७ हजार पाँच सय ९५ जनाले निमार्ण कार्य सम्पन्न गरेका छन् ।

जिल्ला आयोजना कार्यान्वयन एकाइ काभ्रेका अनुसार २०७२ सालको भूकम्पले जिल्लाका ९८ हजार १९ घर क्षति भएपनी ७८ हजार आठ सय ८९ घरपरिवारको पहिचान भएको थियो । पहिचान भएका घरपरिवार मध्ये झन्डै चार हजार कमले मात्र पहिलो किस्ता लिएका छन् । जिल्लामा ७४ हजार नौ सय ३० जना लाभग्राहीले पहिलो किस्ता लिएका थिए ।

यस्तै पहिलो किस्ता लिएकामध्ये ६३ हजार ६ सय ८७ जनाले घरको जग हालेर दोस्रो किस्ता पनी लिएका थिए । पहिलो किस्ता लिने भन्दा,दोस्रो किस्ता लिनेको संख्या कम भएको छ । तउो भन्दा पनी तेस्रो किस्ता लिनेको संख्या अझ कम रहेको कार्यालयका निमित्त प्रमुख रामप्रसाद ख्याजूले जानकारी दिनुभयो । हाल सम्म जिल्लामा घर निर्माण कार्य सम्पन्न गरी ५७ हजार पाँच सय ९५ लाभगा्रहीले तेस्रो किस्ता लिएका छन् ।