काभ्रेमा एकैदिन २८२ जना कोरोना संक्रमित थपिएका छन् । यो संख्या कोरोना भाईरसको दोस्रो लहर फैलिए यताकै धेरै हो । यसअघि दुईसय भन्दा कम संक्रमित हुने गरेका थिए ।
स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाका आज एकैदिन १६६ जना कोरोना मुक्त भएका छन् । आज धुलिखेल नगरपालिकाका एक ६६ बर्षीय महिलाको उपचारको क्रममा धुलिखेल अस्पतालमा मृत्यु भएको छ ।
आज थपिएका संक्रमितमा सबैभन्दा बढी पनौती नगरपालिकाका ४६ जना पुरुष र ४२ जना महिला छन् । त्यसैगरि बनेपा नगरपालिकाका ३३ जना महिला र ३१ जना पुरुष, धुलिखेल नगरपालिकाका महिला र पुरुष २४/२४ जना संक्रमण भएका छन् ।
मण्डनदेउपुर नगरपालिकाका २० जना पुरुष र १५ जना महिला, नमोबुद्ध नगरपालिकाका १० जना पुरुष र ५ जना महिला, खानीखोला गाउँपालिकाका ११ जना पुरुष र २ जना महिला, भुम्लु गाउँपालिकाका ११ जना पुरुष र १ जना महिला, पाँचखाल नगरपालिकाका ३ जना पुरुष र चौरीदेराली गाउँपालिकाका महिला र पुरुष २/२ जनामा संक्रमण पुष्टि भएको स्वास्थ्य कार्यालय काभ्रेले जनाएको छ ।
योसँगै जिल्लामा सक्रिय संक्रमितको संख्या २ हजार ५३ पुगेको छ । जसमा अस्पतालको आईसोलेसनमा १ सय १ जना र होम आईसोलेसनमा १९ सय ५२ जना रहेको छन् ।