बुधबार, बैशाख १२, २०८१
काठमाडौं, साउन २३ गते : काठमाडौंको गोकर्णेश्वरबाट जुवातास खेलिरहेको अवस्थामा पन्ध्र जनालाई प्रहरीले पक्राउ गरेको छ । गोकर्णेश्वर नगरपालिका-६ बासुकी चोक बस्ने कनक बहादुर तामाङको जस्ताको टहरोमा जुवातास खेलिरहेको अवस्थामा काठमाडौं, गोकर्णेश्वर नगरपालिका (५ नयाँबस्ती बस्ने काभ्रे नमोबुद्ध नगरपालिका-५ घर भएका २८ वर्षीय प्रेम तामाङसहित आठ जनालाई शुक्रबार प्रहरीले पक्राउ गरेको हो ।
उक्त टहरोमा जुवातास खेलिरहेको भन्ने सूचनाअनुसार महानगरीय प्रहरी वृत्त बौद्धबाट खटिएको प्रहरीले उनीहरुलाई ४२ हजार रुपियाँ र ३ बुक ताससहित प्रहरीले पक्राउ गरेको छ ।
यसैगरी काठमाडौं, गोकर्णेश्वर नगरपालिका(६ जोरपाटीस्थित पूर्ण सुनुवारको शेर्पा रेष्टुरेण्टमा जुवातास खेलिरहेको अवस्थामा सुनुवारसहित ७ जनालाई शुक्रबार राति प्रहरीले पक्राउ गरेको छ ।
रेष्टुरेण्टमा जुवातास खेलिरहेको सूचना प्राप्त हुनासाथ महानगरीय प्रहरी वृत्त बौद्धबाट खटेको प्रहरीले उनीहरूलाई नगद ७७ हजार ५५० रुपियाँ र ३ बुक ताससहित पक्राउ गरेको जनाएको छ ।
