बुधबार, बैशाख १२, २०८१
काभ्रेको धुलिखेल नगरपालिका वडा नम्बर ११ मा निर्माण गरिएको थेग्छेन ज्याम्पालिङ छ्याेर्तेन गाेम्पाको उद्घाटन गरिएको छ । बागमति प्रदेश सभा सदस्य चन्द्र लामाले छ्याेर्तेनको उद्घाटन गर्नुभएको हो ।
छ्याेर्तेन सहितको पार्क निर्माण पुरा भएकाले उद्घाटन गरिएको वडाध्यक्ष विष्णु धितालले जानकारी दिनुभयो । छ्याेर्तेन सहितको पार्क निर्माणका लागि सांसद चन्द्र लामा मार्फत १० लाख र नगरपालिकाबाट २ लाख ५५ हजार रूपियाँ खर्च भएको छ ।
सांसद लामाले राज्यले सबै समुदायको संस्कार संस्कृति संरक्षण गर्ने नीति अन्तर्गत नै छ्याेर्तेनको निर्माण भएको बताउनुभयो । ‘समाजमा रहेका एकले अर्काको संस्कृति र संस्कारलाई आत्मसात गर्दै अघि बढ्दा हाम्रो भाईचाराको सम्बन्ध अझ प्रगाढ बन्छ । छ्योर्तेन बनेको छ ।
यसलाई संरक्षण गर्नुस् । पार्कले छ्योर्तेनको सौन्दर्यता झनै बढाएको छ । म विकास निर्माणमा हातेमालो गर्न सधै तत्पर छु, सासंद लामाले भन्नुभयो ।’
