काभ्रेको एमालेले महाधिवेशन प्रतिनिधि छनौट प्रक्रिया सुरु गरेको छ । मंसिरमा चितवनमा हुने १० औं महाधिवेशनमा जिल्लाबाट सहभागी हुने प्रतिनिधि छनौट सुरू गरिएको एमाले काभ्रेले जनाएको छ ।

मतदाताको प्रारम्भिक नामावली प्रकाशन, मतदाता नामावली विरूद्ध दाबी विरोध, दाबी विरोधको छानविन र अन्तिम मतदाता नामावली प्रकाशन आज हुनेछ ।
भोली उम्मेदवारको मनोनयन दर्ता, उम्मेदवारको प्रारम्भिक सूची प्रकाशन, उम्मेदवारको सूची विरूद्ध दाबी विरोध, दाबी विरोध उपर छानविन र उम्मेदवारी फिर्ताको काम हुनेछ ।

पर्सी २६ गते उम्मेदवारको अन्तिम सूची प्रकाशन र प्रचार प्रसारको समय सुरू हुनेछ । २७ गते बिहान १० बजेदेखि ४ बजेसम्म मतदान हुनेछ । सोहि दिन मत गणना र नजिता प्रकाशन हुने एमाले जिल्ला निर्वाचन कमिटी काभ्रेले जनाएको छ ।