बुधबार, बैशाख १२, २०८१
नेपाल आदिवासी जनजाती महासंघ (फोनिज) काभ्रेको अध्यक्षमा इन्द्र बहादुर थापा विजयी हुनुभएको छ ।
गएराति अबेर सकिएको पाँचौ जिल्ला अधिवेशनबाट अध्यक्षमा थापा विजयी हुनुभएको हो । अध्यक्षमा सहमति हुन नसकेपछि थापा र जगतमान बल तामाङ बीच चुनाव भएको थियो ।
बनेपाको बुडोल स्थित आदिवासी जनजाति भवनमा भएको निर्वाचनमा इन्द्रबहादुर थापाले २१ मत र जगत तामाङले ७ मत ल्याउनु भएको छ ।
अधिवेशनबाट उपाध्यक्षमा काजल तामाङ, सचिबमा सुरज श्रेष्ठ, सहसचिबमा सनम सुवाल, कोषाध्यक्षमा कृष्ण बहादुर घिसिङ चयन भएका छन् ।
फोनिजको जिल्ला कार्य समिति सदस्यहरुमा इकमान लामा, रकम राज लामा, लोक बहादुर लामा र सबिना श्रेष्ठ चयन हुनुभएको छ ।
