शनिबार, बैशाख ८, २०८१
नेकपा एमाले काभ्रेको १० औँ जिल्ला अधिवेशनबाट अध्यक्ष र एक जना उपसचिब सर्वसम्मत चयन हुनुभएको छ ।
अध्यक्षमा अशोक कुमार ब्याञ्जु श्रेष्ठ र उपसचिबमा रिता ढकाल सर्वसम्मत चयन हुनभएको हो । ढकालले नेकपाकालिन अवस्थाबाटै एमालेमा निरन्तरता दिनुभयो । अथवा उहाँलाई पनि पार्टी एकता प्रक्रियामा एमालेमै रहेकाको रुपमा परिभाषित गरेर सर्वसम्मत गराइएको हो ।
अध्यक्ष बाहेक पार्टी एकता प्रक्रियामा रहेका उपसचिब सहित २२ जना जिल्ला सदस्यमा सर्वसम्मत गराइएको छ । उनीहरु नेकपा माओवादी, राप्रपा, तत्कालिन विप्लव समूह, मोहन बैद्य किरण लगायतका दल त्यागेर एमाले प्रवेश गरेका नेता कार्यकर्ता छन् ।
बन्दसत्रले पार्टी एकताको प्रक्रियामा एमालेमै रहेका सबैको ब्यवस्थापन गरेको छ । तर एमालेभित्रैका कार्यकर्ताको भने सेटल सर्वसम्मत हुन सकेन् । १०५ जना नै जिल्ला कमिटी सर्वसम्मत गराउन भएको कयन प्रयास असफल भयो ।
त्यसका बाबजुद भोली विहानैदेखि निर्वाचन प्रक्रिया सुरु हुने भएको छ । यद्यदी नेताहरुले आज रातभर पनि सहमतिको प्रयासलाई जारी नै राख्ने बताइएका छन् । अब एक जना उपाध्यक्ष, एक जना सचिब र एक जना उपसचिब सहित ८२ जनाका लागि निर्वाचन हुने पक्का भएको छ ।
शनिबार दिनभर जसो चलेको बन्दसत्रले २३ जनाको नाम सर्वसम्मत पारित गरेको हो । आकांक्षी धेरै निस्किएपछि ३ पदाधिकारी र ७९ जना जिल्ला कमिटी सदस्यमा निर्वाचन हुन लागेको हो । यी सबै पदमा आकांक्षी धेरै देखिएका छन् ।
