ट्याक्सी चलाउदै आएका दोलखा निवासी रामकुमार तामाङ्गको मृत्युको कारण दोलखावाट आइ व्यवसाय सञ्चालन गर्दै आइरहेका दोलखाबासीहरु एकजुट भई नयाँबस्ती प्रहरी विटलाई आगो लगाई पुरै नष्ट गरेका छन् ।
स्थानीय राजु सुनारका अनुसार त्यस आगलागीमा नयाबस्तीका स्थानीहरु नभई दोलखा जिल्लाबाट आइ व्यवसाय संचालन गर्दै आएका होटल व्यवसायी, यातायात व्यवसायसंग संलग्न रहेका हजारै मानिसहरु रहेको खुल्न आएको छ । नयाँ वस्ती प्रहरी विट नयाँबस्तीको स्थायी वासिन्दाहरुले नै निर्माण गरेको कारण उनीहरुको यसमा संलग्ना हुनै सक्दैन सुनारले बताए ।

आगलागीमा प्रहरी विट जलेर पुरै नष्ट भएको छ । भने झडपमा प्रहरीतर्फ ६, ७ जना सामान्य घाइते भएका छन् । आगलागीमा प्रहरीको ४ वटा मोटरसाइकल जलेर पुरै नष्ट भएको छ भने २ वटा मोटरसाइकल सर्वसाधरणको रहेको छ । झडपमा संलग्न १३ जनालाई प्रहरीले नियन्त्रणमा लिएको छ ।

शुक्रवार बेलुकी मादक पदार्थ (रक्सी) सेवन गरी झगडा गरेपछि रामकुमार तामाङ्ग गम्भिर घाइते भएका थिए । उनलाई उपचारार्थ टिचिङ्ग अस्पताल लैजाने क्रममा बाटोमै मृत्यु भएको थियो । यस विषयलाई प्रहरीले गम्भिर रुपमा नलिएको कारण तामाङ्गको मृत्यु भएको तामाङ्गका जिल्लावासीहरुको आरोप छ । सोही आरोपा आक्रोशमा परिणत भई नयाँवस्ती प्रहरी विट जलेर नष्ट भएको छ ।