शुक्रबार, बैशाख ७, २०८१
सभामुख अग्नि प्रसाद सापकोटालाई काभ्रेमा आज पनि कालो झण्डा देखाइएको छ ।
नेकपा एमाले निकट विद्यार्थी संगठान अनेरास्ववियुका विद्यार्थीले काभ्रेको धुलिखेलस्थित बिपी राजमार्गमा कालो झण्डा देखाएका हुन् ।
सातै वटा प्रदेशका सभामुखसँगको अनुभव आदानप्रदान तथा अन्तरक्रिया कार्यक्रममा सहभागि हुन सापकोटा काभ्रे आएका हुन् ।
सोही क्रममा उनीहरुले एमालेले कारबाही गरेका सांसदलाई पदमुक्त नगरेको लगायतका विषयलाई लिएर अनेरास्ववियु काभ्रेका विद्यार्थीले सभामुख सापकोटालाई कालो झण्डा देखाएका हुन् ।
उनीहरुले एमसीसीको खारेजी समेत माग गर्दै सभामुख सापकोटालाई कालो झण्डा देखाएका हुन् ।
केहि हप्ताअघि पनि अनेरास्ववियु काभ्रेले सभामुख सापकोटालाई कालो झण्डा देखाएको थियो ।
अ नेरास्ववियुले गरेको विरोधपछि जिल्ला सुरक्षा समन्वय समितिले नेपाली सेनानै परिचालन गरेको थियो । विरोध पछि विद्यार्थी र सुरक्षाकार्मी बीच झ ड पसमेत भएको थियो ।
