काभ्रेको पनौती नगरपालिकास्थित त्रिवेणीघाटमा लाग्ने १२ वर्षे मकर मेलाको अन्तिम दिन आज १ लाख बढि दर्शनार्थी दर्शन गर्न आएका छन् ।
आयोजकका अनुसार आज एक लाखभन्दा बढी भक्तजन मेला भर्न आएका हुन् ।
धार्मिक तथा सांस्कृतिक आस्थाको केन्द्र पनौती नगरपालिका–७ स्थित त्रिवेणीघाटमा प्रत्येक १२ वर्षमा लाग्ने मकर मेलाको अन्तिम दिन र शनिबार पनि भएकाले दर्शनार्थीको घुइँचो लागेको हो ।
माघे संक्रान्तिबाट सुरु भएको मकर मेलाको आज अन्तिम दिन हो । को रो ना सं क्र म ण जोखिम हुँदाहुँदै भक्तजन मेला भर्न पनौती आएका दर्शनार्थीको भीड नियन्त्रण नियन्त्रण भएको थिएन ।
स्वास्थ्य मापदण्ड अपनाएर सामाजिक दूरी कायम गरी स्नान गर्ने भनिए पनि सयौंको संख्यामा दर्शनार्थी सहभागी भएका हुन् ।
मेलामा आउने श्रद्धालुहरूका कारण पनौती-बनेपा सडकखण्ड हुँदै भक्तपुर जिल्लाको जगतीसम्म सवारीसाधन जाम हुँदा अरनिको राजमार्ग अस्तव्यस्त बनेको थियो ।
पद्मावती, लीलावती र रुद्रावतीको संगम त्रिवेणीघाटमा स्नान गरे पाप मोक्ष हुने जनविश्वास छ।