नेकपा एमाले काभ्रेका नव निर्वाचित जिल्ला कमिटीले सपथ तथा पदभार ग्रहण गरेका छन् ।

पुस २३ गतेको १० औँ जिल्ला अधिवेशनबाट निर्वाचित जिल्ला कमिटी सदस्यहरूले आज सपथ ग्रहण लिएका हुन् । को रो ना भाइरस महामारीका कारण रोकिएको सपथ ग्रहण बनेपामा एक कार्यक्रमको आयोजना गरी आज जिल्ला कमिटी सदस्यहरूले सपथ लिएका हुन् ।

गत पुस २३ गते पार्टी अध्यक्ष केपी ओलीले धुलिखेल स्थिल रंगशालामा जिल्ला अधिवेशनको उदघाटन गरेका थिए।अधिवेशनले अशोक कुमार ब्याञ्जु श्रेष्ठको नेतृत्वमा नयाँ जिल्ला कमिटी चयन गरेको थियो ।

५ जना पदाधिकारी मध्ये अध्यक्ष श्रेष्ठ र उपसचिब रिता ढकाल सर्वसम्मत निर्वाचित भएका हुन् । त्यस्तै उपाध्यक्ष, सचिब र उपसचिबमा भने मतदान भएको थियो । उपाध्यक्षमा चन्द्र लामा, सचिबमा राजन भुर्तेल र उपसचिबमा राजकुमार सापकोटा निर्वाचित भएका थिए ।