एक लाख रुपैयाँनजिक पुगेको सुनको मूल्य घट्न थालेको छ । बिहीबार प्रतितोला ९९ हजार रुपैयाँ रहेको सुन शुक्रबार १ हजार घटेको थियो ।
आइतबार १ हजार ४ सय घटेर प्रतितोला ९६ हजार ६ सय रुपैयाँ कायम भएको छ । अन्तर्राष्ट्रिय बजारमा सुनको मूल्यमा केही कमी आएकाले नेपालमा पनि घटेको सुनचाँदी व्यवसायी महासंघले जनाएको छ ।
रुस र युक्रेनको द्वन्द्वलाई लिएर अमेरिकासाग रुसको विवाद चर्किने त्रासले सुनको मूल्य बढेको थियो । रुसबिरुद्ध अमेरिकाले कडा कदम नचाल्ने अनुमानका बीच अहिले सुनको मूल्यमा कमी आएको हो ।
त्यस्तै चाँदीको मूल्य पनि प्रतितोला ४० रुपैयाँले घटेको छ । शुक्रबार प्रतितोला १३३५ रुपैयाँ रहेको चाँदी आइतबार १२९५ रुपैयाँ कायम भएको छ ।
