महाशिवरात्रिका अवसरमा काभ्रेपलाञ्चोकको पनौतीस्थित इन्द्रेश्वर महादेव मन्दिर प्राङ्गणमा विविध कार्यक्रम गरी महाशिवरात्रि पर्व मनाइएको छ ।
पनौतीस्थित इन्द्रेश्वर महादेव मन्दिर परिसरमा महारुद्राभिषेक गरिएको छ ।
कार्यक्रममा इन्द्रेश्वर महादेव मन्दिरमा हेलिकोप्टरमार्फत पुष्पबृष्टि गरि महारुद्राभिषेक गरिएको हो ।
आज भएको कार्यक्रममा १३० जना ब्राम्हणद्वारा इन्द्रेश्वर महादेव मन्दिरको प्राङ्गणमा महारुद्री पाठ गरिएको छ ।
भागवत धर्म संरक्षण समितिले महारुद्री पाठ कार्यक्रम आयोजना गरिएको आयोजकले जानकारी दिएको छ ।
आयोजक समितिका अध्यक्ष अच्युत भट्टराईलेले इन्द्रेश्वर महादेव र सिङ्गो पनौतीको प्रचारप्रसार गर्ने उद्देश्यले महारुद्री पाठको आयोजना गरेको बताए ।
ऐतिहासिक एवं धार्मिकस्थल पनौतीको महत्वबारे गर्नुपर्ने प्रचारप्रसारमा कमी आएका कारण पनि थप प्रचार गर्ने र आध्यामिक प्रचार गर्ने उद्देश्यले कार्यक्रम आयोजना गरेको उनले बताए ।
विगत तीन वर्षदेखि आफूहरुकै आयोजनामा कार्यक्रम हुँदै आएको आयोजक समितिका अध्यक्ष भट्टराईले जानकारी दिए ।