जिल्ला प्रहरी कार्यालय काभ्रेले विभिन्न मुद्दामा फरार रहेका तीन जनालाई पक्राउ गरेको छ ।

चेक अनादर मुद्दामा २ जना तथा सवारी अंगभंगमा मुद्दामा फरार रहेका १ जना पक्राउ परेका हुन्। पक्राउ पर्नेमा पाँचखाल नगरपालिका वडा नं २ का विष्णु भन्ने पुर्णप्रसाद घिमिरे र बनेपा नगरपालिका वडा नं २ का ५० वर्षीय तेजप्रसाद घिमिरे रहेका छन्।

उनीहरुद्धय चेक अनादर मुद्दामा फरार थिए । जिल्ला अदालत काभ्रेको फैसला पछी फरार रहेका उनीहरुलाई १ वर्ष पछी आज जिल्ला प्रहरी कार्यालयको विशेष टोलीले पक्राउ गरेको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक डिएसपी हरि खतिवडाले जानकारी दिए ।

यस्तै, काभ्रेको पाँचखाल नगरपालिका वडा नं ५ का सोमलाल श्रेष्ठलाई पनि जिल्ला प्रहरी कार्यालय काभ्रेले पक्राउ गरेको छ। उनी सवारी अंगभंगमा मुद्दाका फरार प्रतिवादी हुन् ।

सवारी अंगभंग मुद्दामा अदालतको फैसलापछि फरार रहेका श्रेष्ठलाई यहि चैत ७ गते पाँचखालबाट पक्राउ गरिएको डिएसपी हरि खतिवडाले जानकारी दिए । पक्राउ परेका तीनै जनालाई फैसला कार्यान्वयनका लागि लागि जिल्ला अदालत काभ्रेमा पेश गरिएको छ।