काभ्रे प्रहरीले लागुपदार्थ गाँजा तथा मादक पदार्थ सेवन गरी सवारी साधन चलाउने चार जनालाई पक्राउ गरेको छ ।
गएराती पनौती नगरपालिका वडा नं.५ छालाकारखाना स्थित पनौती बनेपा सडक खण्डमा आवत जावत गर्ने सवारी साधन चेकजाँच गर्न खटिएको सयुक्त प्रहरी चेकजाँच टोलीले उनीहरुलाई पक्राउ गरेको हो ।
पक्राउ पर्नेमा रोशी गाउँपालिका वडा नं १२ का बिजय बि.क. छन् । ३६ वर्षिय उनी बा ४ ख २९०६ नम्बरको टिपर चालक हुन् । त्यस्तै मण्डनदेउपुर नगरपालिका वडा नं ७ का बा ४ ख ३०५० नम्बरको टिपर चालक ३२ वर्षिय सुरेश रम्तेल, बा २ क ३५५६ नम्बरको टिपर चालक काठमाण्डौं बुढानिलकण्ठ ११ का २७ वर्षिय नवराज खड्का र बा २ क ३२९९ नम्बरको टिपर चालक उदयपुर कटारी १३ का ४० बर्षीय वेग बहादुर सार्की रहेका छन् ।
पनौतीबाट बनेपातर्फ आईरहेको अवस्थामा टिपर चालकहरुले लागु पदार्थ गाँजा तथा मादक पदार्थ सेवन गरी लापरवाही तरिकाले सवारी साधनहरु चलाएकोमा पक्राउ गरिएको काभ्रे प्रहरीले जनाएको छ ।
उनीहरुलाई आज जिल्ला प्रशासन कार्यालय काभ्रेबाट अभद्र व्यवहार मुद्दामा दिन–७म्याद थप भई अनुसन्धान कार्य भई रहेको छ काभ्रेका डिएसपी हरि खतिवडाले जानकारी दिए ।