आउँदो वैशाख ३० गते हुने स्थानीय तहको निर्वाचनमा काभ्रेका मात्रै २४ दलले सहभागी हुन पाउने भएका छन् ।
चुनावका लागि जम्मा ७९ दलले चुनावमा भाग लिने छन्। निर्वाचन आयोगका अनुसार ६ वटा राष्ट्रिय मान्यता पाएका र बाँकी ७३ मान्यता नपाएका दलले भाग लिन लागेका हुन्।
आयोगले राष्ट्रिय मान्यता नपाएका ७३ वटा दललाई आफ्नो जिल्ला स्तरको संगठन संरचनाको विवरण चैत ६ गतेभित्र पेस गर्न पत्राचार गरेको थियो।
स्थानीय तहको निर्वाचनका लागि एक करोड ७७ लाख ३३ हजार ७२३ मतदाता छन्। यस्तै, मतदानस्थल १० हजार ७५६ र २१ हजार ९५५ मतदान केन्द्र छन्।