काभ्रेमा इजाजतप्राप्त हातहतियार राख्ने दुई जना मात्रै रहेको पाइएको छ ।
जिल्ला प्रहरी कार्यालयका अनुसार दुई जनामध्ये एक जनाले जिल्ला प्रशासन कार्यालय काभ्रेमा उक्त हतियार बुझाएका छन् । अर्का एक जनाले भने काठमाण्डौमा बस्ने भएकाले जिल्ला प्रशासन कार्यालय काठमाण्डौमा बुझाउने बताएको काभ्रे प्रहरीले जनाएको छ ।
वैशाख ३० गते हुने स्थानीय तहको निर्वाचनलाई भयरहित र विश्वसनीय बनाउन भन्दै जिल्ला प्रशासन कार्यालय काभ्रेले इजाजत प्राप्त हातहतियार प्रशासनलाई बुझाउन आग्रह गरेको थियो ।
इजाजत प्राप्त हातहतियार स्थानीय तहको निर्वाचनपछि फिर्ता गरिने छ। निर्वाचन विश्वसनीय, सुरक्षित र भयरहित वातावरण बनाउन सबै प्रकारका हतियार बुझाउन जिल्ला प्रशासन कार्यालयले आग्रह गरेको थियो।