काभ्रेमा आगामी बैशाख ६ गतेदेखि कृषि गणना हुने भएको छ ।
जेठ १९ गतेसम्म गणना सकिने जिल्ला कृषि गणना कार्यालय काभ्रेका प्रमुख दिपक कोईरालाले जानकारी दिनुभयो । ४५ दिन गणना गरिनेछ ।
गणना गर्नका लागि जिल्लामा ८६ जना गणक र २२ जना सुपरिवेक्षण खटिनेछन् । कृषि गणनाका लागि कार्यालयले जिल्ला स्थित सरोकारवाला पक्षसंग छलफल गरेको छ ।
जिल्लाको १३ वटै स्थानीय तहमा गणक पुग्नेछन् । सबैभन्दा बढी मण्डनदेउपुर नगरपालिकामा २२ वटा क्षेत्र र सबै कम खानीखोला गाउँपालिका १४ वटा क्षेत्र रहेका छन् ।