काभ्रे : २०७९ बैशाख ३० गते स्थानीय तहको निर्वाचनको चहलपहल चुलिरहदाँ स्थानीय तहमा प्रमुख, उपप्रमुख, अध्यक्ष, उपाध्यक्ष होस् या वडा अध्यक्ष पदका उम्मेरदवार दाबी गर्ने धेरै छन् ।
उप प्रमुख पद बाहेक अन्यमा महिलाले एकाध बाहेक अवसर पाएको देखिदैन । तर ६ नगरपालिका र ७ गाउँपालिका रहेको काभ्रेको एउटा वडा अध्यक्ष पदका लागि एक महिलालाई सर्वसम्मत सिफारिस गरिएको छ ।
काभ्रेमा जिल्लामा वडा अध्यक्षका लागि पहिलो पटक महिलाको उम्मेरदवारी परेको हो । निर्मला गोलेलाई नेकपा एमालेले जिल्लाको बनेपा नगरपालिका वडा नं १४ को वडा अध्यक्षका सर्वसम्मत सिफारिस गरेको हो ।