सबैको समाचार
शुक्रबार, जेष्ठ १३, २०७९
  • होमपेज
  • काभ्रेमा सत्ता साझेदार दलमा खटपट, एमाले खुशी

काभ्रेमा सत्ता साझेदार दलमा खटपट, एमाले खुशी

काभ्रेमा सत्ता साझेदार दलमा खटपट, एमाले खुशी

काभ्रेमा सत्ता साझेदार दलबीच गठबन्धन नहुने लगभग निश्चित भएपछि एमालेमा खुशीयाली छाएको छ ।

पाँचदल बीच साँचो अर्थमा गठबन्धन हुने हो भने काभ्रेको कुनै पनि पालिका जित्न हम्मे हम्मे पर्ने एमालेको आंकलन छ । जब जब जिल्लामा सत्ता साझेदार दलहरुबीच कुरा नमिलेको सञ्चार बाहिर आउँछ । एमाले नेता कार्यकर्ता सामाजिक सञ्जाल मार्फत खुशी ब्यक्त गर्छन् ।

मन र मत मिल्ने गरी गठबन्धन हुँदा एमालेलाई जिल्लाको १३ वटै पालिकामा निकै सकस पर्ने देखिन्छ । एमालेका नेता कार्यकर्ता गबन्धनको कुरा नमिल्दा हौसिने र होच्याउने दुबै काममा सामाजिक सञ्जालमा ब्यस्त हुन्छन् ।

काभ्रेको गठबन्धनभित्र संख्याको हिसाब किताब मिलेको छैन् । गठबन्धनभित्र रहेको कांग्रेस, माओवादी केन्द्र, नेकपा (एकीकृत समाजवादी) र जनता समाजवादी पार्टीले आ आफ्नो अडान नछोडेपछि मिलाउने जिम्मा सबै दलले प्रदेशलाई दिएका छन् ।

केन्द्रले जिल्लालाई नै मिलाउने अधिकार दिएपनि दलहरु टसमस नभएपछि प्रदेशमा पुगेको हो । कांग्रेस एक्लैले ९ वटा स्थानीय तहमा दाबी गरेको छ । माओवादी केन्द्रले ६ वटा, नेकपा (एकीकृत समाजवादी) ले ४ वटा र जनता समाजवादी ले १ वटा स्थानीय तह प्रमुखको दाबी गरेका छन् । जिल्लामा १३ वटा स्थानीय तह छन् ।

गठबन्धन नहुँदा अहिले अनुमान गरिएभन्दा सिट संख्या बढ्ने भन्दै एमाले नेता कार्यकर्ता खुशी देखिएका हुन् । गठबन्धन हुने कुराले असहजता महशुस गरिरहेको एमाले यसअघि जितेका पालिकाहरु यो पटक आफ्नै पक्षमा हुने कुरामा ढुक्क बन्दै गएको हो ।

शनिबार बनेपामा एमाले नगरकमिटीले आयोजना गरेको कार्यक्रममा पोलिटब्युरो सदस्य गोकुल बाँस्कोटाले गठबन्धन भत्किसकेको र जिल्लाको १३ वटै पालिकामा एमालेले विजयी हासिल गर्ने ठोकुवा गर्नुभएको थियो ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका