धुलिखेल नगरपालिकामा एमालेका मेयर पदका उम्मेदवार अशोक कुमार ब्याञ्जु श्रेष्ठसंग स्वतन्त्र उम्मेदवार विदुर बस्नेतले मतको अन्तर घटाउँदै लैजानु भएको छ ।
१, २, ३, ४, ५, ६, ७, ८ सकेर वडा ९ काे मत गन्दै गर्दा बस्नेत मतान्तर निकै घटाउनु भएको हो । हालसम्म मेयरमा ब्याञ्जुले ६ हजार २२ मत प्राप्त गर्दा बस्नेतले ४ हजार ६ सय पाउँनु भएको छ । ब्याञ्जु र बस्नेत बीच मतान्तर १४२२ रहेको छ । कलमले १७११ मत प्राप्त गरेको छ ।
उपमेयरमा लाल तारा अधिकारीले ५६३१, निराजन जंगमले ६१११ र दिपा श्रेष्ठले १४८६ ल्याउँनु भएको छ । अधिकारी र जंगमबीच ४८० मत अन्तर रहेको छ ।
वडा नम्बर ९ को ६९० मत गन्न बाँकी छ । वडा नम्बर १ देखि १२ सम्म जम्मा मतदाता २५ हजार २०० थिए । जसमा १९८३८ मत खसेको छ । १३ हजार ७९० मत गनि सकिएको छ । अब ५ हजार २४८ मत मात्रै गणना गर्न बाँकी छ ।