काभ्रेका पाँचखाल नगरपालिका वडा नम्बर ६ मा जापान सरकारले ‘कृषि तथा पशुपालन तालिम भवन’ निर्माण गरिदिएको छ ।
कृषि र बाताबरण क्षेत्रमा पाँचखाल नगरपालिकामा योगदान दिने लबग्रिन नेपाल मार्फत जापान सरकारले कृषकहरुको लागि कृषि तथा पशुपालन तालिम भवन निर्माण गरिदिएको हो । सभा कक्ष, तालिम कक्ष, ल्याबोरेटरी कक्ष, सयन कक्ष, भान्सा कक्ष, डाइनिङ कक्ष सहितको भवन आज जापानीज राजदुत युताका किकुताले उदघाटन गर्नुभएको हो ।
कार्यक्रममा पाँचखाल नगरपालिको मेयर महेश खरेल, जाईका नेपालका प्रमुख यकिमिट्सु ओकुव र लवग्रीन नेपालका अध्यक्ष अमिरा दली लगायतका अधिकारीहरु सहभागि हुनुभएको थियो । मंगलबार लवग्रीन नेपालले ३० बर्ष पुगेको उपलक्ष्यमा ‘तीनदशकको यात्रा’ नामक पुस्तक सार्वजनिक गरेको छ ।
जापान सरकारको ९४ लाख ७३ हजार १७ रुपैयाँ र लवग्रीन नेपालको ५२ लाख ९ हजार १२९ लगानी गरी कुलजम्मा १ करोड ४६ लाख ८२ हजार १४६ लागतमा भवन निर्माण पुरा भएको हो । लवग्रीन नेपालले पाँचखालमा लामो समयदेखि कृषि, पशु, वन र वातारणको क्षेत्रमा काम गर्दै आइरहेको छ ।