सबैको समाचार
शुक्रबार, चैत्र १६, २०८०
  • होमपेज
  • कान्छो श्रीमानसँग बस्न नपाएको भन्दै काभ्रेकी लक्ष्मीले बागमतीमा हाम फालिन्, जेठो श्रीमानले बचाए

कान्छो श्रीमानसँग बस्न नपाएको भन्दै काभ्रेकी लक्ष्मीले बागमतीमा हाम फालिन्, जेठो श्रीमानले बचाए

18270
Shares
कान्छो श्रीमानसँग बस्न नपाएको भन्दै काभ्रेकी लक्ष्मीले बागमतीमा हाम फालिन्, जेठो श्रीमानले बचाए

बुधबार ललितपुरको शंखमुल पुलबाट वागमती नदीमा हाम फालेकी एक महिलाको ज्यान उनकै श्रीमान जितेन्द्र माझीले बचाएका छन् ।

‘आफू कान्छो श्रीमानसँग बस्न चाहेको तर जेठो श्रीमानले बस्न नदिएको’ भन्दै काभ्रेकी ३५ वर्षीया लक्ष्मी जिरेल माझीले बुधबार साँझ शंखमुल पुलबाट हाम फालेकी थिइन् ।

उनका श्रीमान जितेन्द्रले नदीमा हाम फालेर ज्यान जोगाएका हुन् । वागमतीमा हामफालेकी उनी डुबेकी थिइन् ।

श्रीमती माझीले तीन वटा छोरा कान्छो श्रीमानको भएको भन्दै आफू कान्छो श्रीमानसँग बस्न चाहेको बताइन् । तर, उनका श्रीमान माझीले ५ वटै छोरा आफ्नो भएको दावी गरे ।

उनका श्रीमान जितेन्द्र माझी कोटेश्वरमा फर्निचर व्यवसाय गरेर २० वर्षदेखि बसिरहेका छन् । कान्छो श्रीमानसँग विवाह भएको १५ वर्ष पुगेको लक्ष्मी जिरेल माझीले बताइन् ।

माझीका जेठा छोरा करण माझीका अनुसार लक्ष्मीले सिन्धुपाल्चोक खाडीचौरका विमल थापासँग दोश्रो विवाह गरेकी हुन् ।

18270
Shares

ट्रेन्डिङ