शनिबार, बैशाख ८, २०८१
काभ्रेको बनेपामा बस दुर्घटना भएको छ । बस दुर्घटना हुदाँ एक जनाको मृत्यु भएको छ भने ४० जना घाइते भएका छन् । मृत्यु हुनेमा भक्तपुरको लोकन्थली घर भएकी ५३ वर्षीया लेख कुमारी बस्नेत छिन् ।
बनेपा नगरपालिका वडा नम्बर ११ मा स्थित अपाङ्ग बाल अस्पताल तथा पुनर्स्थापना केन्द्रको कर्मचारी बाेकेको बा १ क ५७४७ नम्बरको बस आज दिउँसो दुर्घटना भएको हो ।
दुर्घटनामा घाइते भएकाहरुको उपचार शिर मेमोरियलमा २१ जना , भोमी हस्पिटलमा ७ जना, धुलिखेल अस्पतालमा ८ जना र केहीको अपाङ बाल अस्पतालमै उपचार भइरहेको जिल्ला ट्राफिक प्रहरी प्रमुख प्रहरी निरीक्षक राजेश सिलवालले जानकारी दिए।
अस्पतालबाट निस्केको केही समयमा नै बस दुर्घटनामा परेको थियो । बस बाइकलाई साइड दिने क्रममा सडकको डिल भासिएपछि खसेको प्रहरी प्रमुख प्रहरी निरीक्षक राजेश सिलवालले जानकारी दिए ।
