शनिबार, बैशाख ८, २०८१
अबिरल वर्षासंगै खसेको पहिरोले काभ्रेको बेथानचोक गाउँपालिकामा निर्माणधिन अस्पतालको भवनमा क्षति पुगेको छ ।
माथिबाट पहिरो खसेपछि ढलानको लागि ठिक्क पारिएको पिल्लरमै क्षति पुगेको छ । अहिले काम रोकिएको छ । पालिकाको वडा नम्बर २ गेलढुंगामा निर्माणधिन यो अस्पताल ५ बेडको हो ।
पालिकाका स्वास्थ्य शाखा प्रमुख सिताराम तिमल्सिनाका अनुसार यो अस्पताल स्वास्थ्य तथा जनसंख्या मन्त्रालयको आर्थिक सहयोगमा भवन डिभिजन कार्यालय मार्फत ठेक्का सम्झौता भएर काम भैरहेको छ ।
पहिरोले भित्ताको वाल बगाएको छ । भवनको तीन वटा पिल्लरमा पूर्ण क्षति पुगेको स्वास्थ्य शाखा प्रमुख तिमल्सिनाले बताउनुभयो । पहिरोले क्षति गरेपछि अबको ६ महिनाभित्र निर्माण सकिने अस्पतालको काम केही समयपछि सर्ने भएको छ ।
कतिपय प्राविधिकले भित्तामा लगाएको वालमै प्राविधिक त्रृटि औल्याएका छन । अस्पताल निर्माण हुँदै गर्दा पनि वालमा बनावटमा समस्या देखाएपनि निर्माण पक्षले अटेर गर्दा बनिसकेको संरचनामा क्षति पुगेको बताइएको छ ।
बेथानचोक गाउँपालिकामा अर्को १० बेडको अस्पताल पनि निर्माणको चरणमा छ ।
