सिन्धुलीको सिन्धुलीमाढीको डाँफे होटलमा एक युवक सोमबार मृत फेला परेका छन् । कमलामाई नगरपालिका–६ का ३४ वर्षीय सुमन बिक मृत अवस्थामा फेला परेको प्रहरीले जनाएको छ ।
होटलमा मृतक भेटिएका ती युवासँगै बसेकी घ्याङलेख गाउँपालिकाकी–३५ वर्षीया माया रानीलाई प्रहरीले नियन्त्रणमा लिएको छ ।
मृतकको टाउकोमा बोतलले हानेको चोट जस्तो देखिएको जिल्ला प्रहरी कार्यालयका प्रवक्ता एवं प्रहरी नायब उपरीक्षक मनोजकुमार लामाले जानकारी दिए ।
स्थानीयका अनुसार प्रहरीले नियन्त्रणमा लिएको महिला र मृतक बिक आइतबार दिउँसोदेखि नै होटलमा सँगै रहेका थिए ।
महिलाले होटलको कर्मचारीलाई कोठामा आफूले मान्छे मारेको र प्रहरीलाई बोलाउन आग्रह गरेको बताइएको छ । अवैध सम्बन्ध र लेनदेनको विषयमा हत्या भएको हुनसक्ने प्रहरीले आशंका गरेको छ ।