काभ्रेपलाञ्चोक : मण्डनदेउपुर नगरपालिका–७ स्थित कुन्ता बजारमा बसको ठक्करबाट एक महिलाको मृत्यु भएको छ ।
काठमाडौंबाट मेलम्चीतर्फ जाँदै गरेको बा. २ ख ६६७४ नम्बरको बसको ठक्करबाट सिन्धुपाल्चोक मेलम्ची नगरपालिका–५ सिन्धुकोट बस्ने ३५ वर्षीया कान्छी मिजारको मृत्यु भएको हो ।
बसबाट झर्ने क्रममा उक्त बसले ठक्कर दिँदा गम्भीर घाइते भएकी उनको धुलिखेल अस्पतालमा उपचारको क्रममा मृत्यु भएको हो ।
बस चालकलाई प्रहरीले नियन्त्रणमा लिएको छ ।