काभ्रे : छोरा बुहारी भेट्न भन्दै घरबाट निस्किएका काभ्रे कोशीपारीका भर शिवभक्ति बीच बाटोमै मृत भेटिएका छन ।
शनिबार बिहान छोरा बुहारी भेट्न भन्दै काठमाण्डौ जान घरबाट निस्किएका शिवभक्ति बीच बाटोमै मृत भेटिएको छिमेकी सुजन शिवभक्तिले जानकारी दिनुभयो ।
‘घरबाट निस्कनु अघि काठमाण्डौमा रहनुभएकी बुहारीसंग भरतले मोबाईलमा कुराकानी गर्नु भएको रहेछ । बुहारीले फोनमा पहिलेको ठाउँमा कोठा नरहेको । नयाँ ठाउँको कोठा पत्ता लगान नसक्दा तपाई हराउन सक्नु हुन्छ । केहीदिन पछि छोरा घरमै लिन आउने बताउनुभएको रहेछ । सुजनले भने ।’
बुहारीको कुरा नटेरी हिड्नु भएका भरत अन्ततः छोरा बुहारीलाई कहिल्यै भेट्न नपाउने गरी अस्ताए । भुम्लु गाउँपालिका वडा नम्बर ६ स्वाँरा घर भएका भरत शिवभक्ति छोरा बुहारी भेट्न बस चढ्नका लागि कोलाँती आउँदै हुनुहुन्थ्यो ।
तर बस चढ्न ठाउँसम्म पनि आउन पाउनु भएन् । ठाटी–डाँडा–खहरे खोला कृषि सडकमा शिवभक्ति मृत भेटिनुभएको हो । लोकमार्गबाट करिब ६ सय मिटर पल्लोपट्टी शिवभक्तिको शव भेटिएको छिमेकी सुजनले बताउनुभयो ।
‘भरत शिवभक्तिका भाई बुहारी नजिकैको सलाघारी बारीमा घाँस काट्न जानुभाको रहेछ । जाने बेला अर्को बाटो जानुभयो । आउने बेला भारी भएकाले सजिलो बाटो आउनुभयो । त्यहि क्रममा भरतलाई लडेको देख्नुभयो । त्यसपछि वडाध्यक्षलाई खबर गराउनुभयो । हामी घटना स्थल पुग्यौ । उहाँको सास थिएन । सुजनले घटनाका बारे भन्नुभयो ।’
भरत घरमा एक्लै बस्नु हुन्थ्यो । अन्य बेला सामान्य मदिरा सेवन गर्ने गरेता पनि शनिबार भने मदिरा सेवन नगरेको सुजनले बताउनुभयो । ‘कहिले काँही मदिरा खानु हुन्थ्यो ।
तर आज मदिरा खानुभएको थिएन् । टाउको चाँही दुख्यो भन्दै हुनुहुन्थ्यो । झै–झगडा, कुटपिटबाट निधन भएको होइन । तर ठोस कारण पोस्टमार्टम रिपोर्ट पनि मात्रै भन्न सकिन्छ । सुजनले भन्नुभयो ।’
मृतक शिवभक्तिको शव पोस्टमार्टम लागि धुलिखेल अस्पतालमा ल्याइएको छ ।