काठमाडौं । बैतडीमा हजुरबुवाको कुटाइबाट गम्भीर घाइते भएका २ वर्षीय रेशम साउदको मृत्यु भएको छ। भने अर्का घाइते भएकाे छन् ।
शुक्रबार पुर्चौडी नगरपालिका-६ मुडेलीधारमा ५० वर्षका गणेश साउदले दुवै बालकलाई कुटेकाे प्रहरीले जानकारी दिएकाे छ । कुटपिटबाट गम्भीर घाइते भएका उनको उपचारको क्रममा डडेल्धुरा अस्पतालमा मृत्यु भएकाे प्रहरी बताएकाे छ ।
अर्का नाति ८ वर्षीय रिजन साउदलाई भने धनगढी रेफर गरिएको छ। अहिले उनको धनगढीस्थित नवजीवन अस्पतालको आईसियूमा राखेर उपचार भइरहेको छ। मृतक रेशम क्यान्सरबाट पीडित थिए। विभिन्न अभियान चलाएर उनको उपचार गरिएको थियो । हजुरबुवाको कुटाइबाट घाइते दुवै बालकहरुको टाउकोमा गम्भीर चोट लागेको थियो।
बिहीवार हेरचाहा गर्न हजुरबुवाको जिम्मा लगाएर बालकका आमा र हजुरआमा घाँस काट्न गएको बेला उक्त घटना भएको प्रहरीले जनाएको छ। कुटपिट गर्नुको कारण भने खुलेको छैन। कुटपिट गर्ने गणेश साउदलाई पक्राउ गरी घटनाबारे थप अनुसन्धान भइरहेको प्रहरीले बताएको छ।