बुधबार, जेष्ठ २, २०८१
धनुषा । दुई दिनको अवधिमा धनुषाको मिथिला नगरपालिकामा दुई जनाको शव भेटिएको छ ।
सोमबार मिथिला नगरपालिका–६, ढल्केबरमा मागी खाने एक महिलाको शव भेटिएको थियो । होटल तथा पसलमा गएर मागी खाने क्षीरेश्वरनाथ नगरपालिका–७, दुर्गाटोलकी अन्दाजी ४० वर्षीया राधा बस्नेतको शव भेटिएको हो ।
मानसिक सन्तुलन बिग्रेकी ती महिला विगत पाँच/छ वर्षदेखि ढल्केबर र वरपरको गाउँ डुलेर मागी खाने गर्दैआएकी थिइन् ।
यसैगरी, मङ्गलबार साँझ मिथिला नगरपालिका–५, श्रीपुरस्थित औरही खोलामा एक जना पुरुषको शव फेला परेको थियो । क्षीरेश्वरनाथ नगरपालिका–५, गिरीटोलका अन्दाजी ३५ वर्षीय नागेश्वर यादवको शव भेटिएको हो ।
प्रहरीका अनुसार मृतक यादवको शरीरमा कुनै घाउचोट देखिएको छैन । अत्यधिक रक्सी सेवनबाट यादवको मृत्यु भएको हुनसक्ने प्रारम्भिक अनुमान गरिएको प्रहरीको भनाइ छ ।
