मङ्लबार, जेष्ठ ८, २०८१
काभ्रे । काभ्रेको रोशी गाउँपालिका-४ सानोपोटा गाउँमा आगलागी हुँदा १५ घर जलेर नष्ट भएका छन् ।
सानोपोटा गाउँ नजिकको सामुदायिक वनबाट फैलिएको आगोगाउँ पसेपछि १५ घर, १० गोठ र ८ वटा शौचालय नष्ट भएका छन् । जिल्ला प्रहरी कार्यालय काभ्रेपलाञ्चोकका प्रहरी नायव उपरीक्षक राजकुमार श्रेष्ठका अनुसार महादेवटार सामुदायिक वनमा लागेको आगो सानोपोटा गाउँमा फैलिएको हो ।
आगोलागीका कारण मानवीय क्षति भने नभएको बताइएको छ ।
नेपाली सेना, स्थानीय बासिन्दा र नेपाल प्रहरीको टोलीले आगो निभाएको थियो । वनको आगो भने अझै निभाउन नसकिएको स्थानीयले बताएका छन् ।
