सोमवार, बैशाख २४, २०८१
काभ्रे : काभ्रे कांग्रेसका नेताहरू लामो समयपछि एकै ठाउँ भेला भएका छन् । नयाँ सरेको जिल्ला पार्टी कार्यालयमा पहिलो पटक, नेताहरू एकै पटक, एकै ठाउँ भेला भएका हुन् ।
लामो समयपछि एकै ठाउँ भेट भएका नेताहरूले केन्द्रले तोकेकै मितीमा अधिवेशन गर्ने सहमत गरेका छन् । हिजो क्रियाशील सदस्य विवादका कारण उपाध्यक्षकै नेतृत्वमा जिल्ला पार्टी कार्यालयमा ताला लगाईएको थियो ।
सहमतिपछि ताला खुलाइएको छ । ताला लागेपछि पार्टी केन्द्रले संसोधन गरी गरि पठाएको १४ औं अधिवेशन सर्ने हो भन्ने कांग्रेसका क्रियाशील सदस्यमा परेको थियो । तर आज जिल्ला तहका सबै नेताहरू केन्द्रले दिएको निर्वाचन तालिका अनुसार नै अधिवेशन सम्पन्न गर्ने साझा सहमति गरेका छन् ।
जिल्ला सभापति मधु आचार्य, पूर्व जिल्ला सभापति शिव हुमागाईं, जिल्ला समितिका पदाधिकारी, क्षेत्रीय सभापति सहितको छलफलले अधिवेशन तालिका हेरफेर नगर्ने सहमति गरेका हुन् । काभ्रेमा असोज ५ गते वडा अधिवेशन हुँदैछ । त्यस्तै ९ गते पालिका अधिवेशन हुनेछ ।
