मङ्लबार, बैशाख २५, २०८१
नेपाली काँग्रेस काभ्रेको १४ औँ जिल्ला अधिवेशनबाट निर्वाचित जिल्ला कार्य समितिले पदभार ग्रहण गरेको छ ।
मंसिरमा सकिएको १४ औँ जिल्ला अधिवेशनबाट निर्वाचित जिल्ला कार्यसमितिका पदाधिकारीले आज पदभार ग्रहण गरेका हुन् । १४ औँ जिल्ला अधिवेशनबाट सभापतिमा तीर्थ लामा निर्वाचित हुनुभएको थियो ।
निवर्तमान सभापति मधु आचार्यले सभापति तीर्थ लामालाई जिम्मेवारी हस्तान्तरण गर्नुभएको नवनिर्वाचित सचिब गुणराज मुक्तानले जानकारी दिनुभयो । १४ औँ जिल्ला अधिवेशनमा दुई समूहबीच निर्वाचन भएको थियो ।
निर्वाचनबाट सभापतिमा तीर्थ लामा १ हजार ६ सय ४६ मत सहित विजयी हुनुभएको थियो । लामाको प्रतिद्ध न्द्धी निवर्तमान जिल्ला सभापति अच्यूत पौडेलले ७ सय ७० मत प्राप्त गर्नुभएको थियो ।
काँग्रेस काभ्रेको जिल्ला कार्य समितिमा उपसभापतीमा ठाकुर प्रसाद न्यौपाने १४०० मत र रमेश प्रसाद हुमागाईं १५२३ मत सहित विजयी हुनुभएको थियो । सचिबमा गुणराज मुक्तान १४२० मत र माधव प्रसाद ढकाल १४१० मत ल्याएर विजयी बन्नुभएको थियो ।
सहसचिबमा समीर ब्याञ्जु श्रेष्ठ १४४५ मत र रबिन्द्रनाथ सिग्देल १४१९ मत ल्याएर विजयी हुनुभएको थियो ।
आजै काभ्रे प्रतिनिधि निर्वाचन क्षेत्र नम्बर १ का सभापति दिनेश लामाले पनि पदभार ग्रहण गर्नुभएको छ ।
प्रतिनिधि निर्वाचन क्षेत्र नम्बर २ को पनि छिट्टै जिम्मेवारी हस्तान्तरण हुने जिल्ला सचिब मुक्तोनले जानकारी दिनुभयो ।
