बुधबार, बैशाख २६, २०८१
बनेपा–पनौती सडकखण्ड अन्तर्गत श्रीखण्डपुर धनेश्वर मार्गमा स्थानीयले सवारी आवागमनमा अवरोध गरेका छन्।
पिच नहुँदा धुलोधुवाले सास्ती खेप्नपरेको भन्दै त्यहाँका स्थानीयले आवगमन बन्द गरेका हुन् । उनीहरुले जुनसुकै सवारी साधन आउँजाउ बन्द गरेका छन्।
धुलोले त्यहाँ बस्न र हिँडडुल गर्न समेत समस्या भएको पनि सडक पिच नगरिएको भन्दै सडक नै बन्द गर्नुपरेको स्थानियहरुले बताएका छन् ।
उनीहरुले यसअघि पनि पटक पटक बाटो बन्द गराउँदै आएका छन् । यहि चैत्र १ गतेबाट बाँकी खण्डमा कालोपत्रे गर्ने सहमति भएपछि स्थानीयले पहिलो पटकको बन्द फिर्ता लिएका थिए ।
सहमति अनुसार काम नभएको भन्दै अब अनिश्चितकालिन बन्द जारी राख्ने स्थानीयको भनाई छ ।
