सोमवार, बैशाख २४, २०८१
काभ्रे । पिङ हाल्ने क्रममा रूखबाट खसेर काभ्रेको भुम्लुमा एक जनाको मृत्यु भएको छ । जिल्ला प्रहरी कार्यालय काभ्रेका अनुसार मृत्यु हुने भुम्लु-६ का ५० वर्षीय गणेश परियार छन् ।
आइतबार बिहान ९ बजेको समयमा पिङ हाल्ने क्रममा रुखबाट खसेर घाइते भएका परियारलाई उपचारको लागि धुलिखेल अस्पताल ल्याएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक राज कुमार श्रेष्ठले जानकारी दिए । उनका अनुसार, उपचारको क्रममा परियारलाई अस्पतालले ११ : ३० बजे मृत घोषणा गरेको हो ।
पोष्टमार्टमपश्चात मृतकका आफन्तले शव बुझेको जिल्ला प्रहरी कार्यालय काभ्रेले जानकारी दिएको छ ।
