कोरोना भाइरसको महामारी नेपालमा ह्वात्तै बढेको छ । जतिसुकै कोरोना बढे पनि सावधानी भने कम मात्र अपनाइएको छ । शनिबार मात्रै ३ हजार २१८ संक्रमित थपिएका छन् । १३ हजार ५७३ जनाको परीक्षणबाट २३.७१ प्रतिशत संक्रमित थपिएका हुन् ।
थपिएकामा काठमाडौं उपत्यकाका मात्रै ९१० जना हुन् । जसमा काठमाडौंमा ५९३, ललितपुरका १८९ र भक्तपुरका १२८ जना हुन् । त्यसैगरी कास्कीका २२५ जना हुन् । चितवनका १५० जना थपिए ।
शनिबार १९ जनाको ज्यान गएको छ । अहिलेसम्म १० हजार ३८ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यद्यपि यो संख्या निकै भएको दाबीसमेत गरिएको छ । शनिबार १ हजार ७२२ जनामात्र संक्रमणमुक्त भएका छन् । हाल नेपालमा ३५ हजार ४३२ जना सक्रिय संक्रमित रहेका छन् ।
काठमाडौंमा मात्रै १० हजार २२६ जना सक्रिय संक्रमित रहेका छन् । जसमा काठमाडौंमा ७ हजार १९३ जना, ललितपुरमा १ हजार ७४५ तथा भक्तपुरमा १ हजार २८८ जना सक्रिय संक्रमित रहेका छन् । काठमाडौंमा सबैभन्दा बढी १ हजार ९८१ जनाको ज्यान गएको छ । ललितपुरमा ६०३ तथा भक्तपुरमा ३९६ जनाको ज्यान गएको छ ।