शुक्रबार, बैशाख २८, २०८१
पाल्पा | पाल्पामा आफैँ चढेको टिपरले किचेर बुधबार एक जनाको मृत्यु भएको छ। तीन घाइते भएका छन्।
मृत्यु हुनेमा पूर्वखोला गाउँपालिका २ जल्पाका १९ वर्षीय दिलकुमारी आले रहेका जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक सुगन्ध श्रेष्ठले बताए।
निस्दी गाउँपालिका ७ ज्यामिरेबाट चुनढुंगा बोकेर नवलपुरस्थित होङ्सी सिमेन्टको कारखानातर्फ जाँदै गरेको लु२ख ५२९ नम्बरको टिपर आज बिहान साढे ८ बजे सोही ठाउँको मोटेखर्कमा दुर्घटना भएको हो।
टिपर ब्रेक फेल भएर भित्तामा ठोकिएको थियो। हाम फाल्ने क्रममा उनलाई टिपरको टायरले किचेको हो। घाइतेमध्ये मकवानपुरको हेटौँडा ९ का २४ वर्षीय आशिष सुनार गम्भीर घाइते भएका प्रनाउ श्रेष्ठले बताए।
सोही ठाउँका २६ वर्षीय अन्जन सुनार र पाल्पाको निस्दी गाउँपालिका ७ का २५ वर्षीय हिमाली आले सामान्य घाइते भएका छन्। घाइते सबैको नवलपुरस्थित अस्पतालमा उपचार भइरहेको छ।
घटनाबारे थप अनुसन्धान भइरहेकोे प्रहरीले जनाएको छ।
