काभ्रे: यु एम बचत तथा ऋण सहकारी संस्था लिमिटेडले आफ्नो दशौँ वार्षिक साधारण सभा गरेको छ । आफ्नो सेवा केन्द्र भकुण्डे , पाँचखाल ,पनौती,खाडिचौर, चौतारा र बाह्रबिसेबाटएकै साथ साधारण सभा सुरु गरेको हो । भकुण्डे शाखामा नमोबुद्ध नगरपालिका ७ का वडाध्यक्ष धर्मसिंह लामाको प्रमुख आतिथ्यतामा कार्यक्रम भएको थियो ।
स्थानीय जनप्रतिनिधिहरु , विभिन्न संघसंस्थाका प्रतिनिधिहरु, सेयर सदस्यहरु उपस्थिति रहेको उक्त कार्यक्रममा प्रमुख अतिथी लामाले सहकारीको विकासले एक किसान र विपन्न वर्गमा परेको फाइदाको बारेमा स्पष्ट पारेका थिए । सभामा सहकारीलाइ सेवा पुर्याउने र सहकारिका उत्कृष्ट बाल बचत, असल ऋणि, दैनिक बचत र जेष्ठ नागरिकलाई विभिन्न विधामा सम्मान प्रदान गरेको छ ।
भकुण्डे अन्तर्गत उत्कृष्ट वालवचत तर्फ रिशिका तिमल्सिना , उत्कृष्ट दैनिक वचत तर्फ रामभक्त श्रेष्ठ , असलि ऋणि अन्तर्गत लिलामाया तामाङ र जेष्ठ नागरिक सम्मान अन्तर्गत छायादेवि हुमागाईले सम्मान पाएका छन् । त्यस्तै पाँचखालबाट बाल बचतमा रियाना प्रधान, असल ऋणि बिनायक पौडेल, बचत कर्ता उत्कृष्ट बाट सरस्वती श्रेष्ठ र जेष्ठ नागरिक बाट ज्ञानि माया श्रेष्ठले सम्मान पाएका छन ।
खाडिचौरमा जेष्ठ नागरिकतर्फ हरि प्रसाद प्रधान,बाल बचततर्फ इनान पराजुली, उत्कृष्ट बचततर्फ शुभ लक्ष्मी श्रेष्ठ, र असल ऋणि छेत्र बहादुर श्रेष्ठ रहेका छन । यस्तै चौतारामा जेष्ठ नागरिकतर्फ धन बहादुर श्रेष्ठ, बाल बचत तर्फ पुष्कर श्रेष्ठ, असल ऋणि तर्फ उमेश कुमार श्रेष्ठ र उत्कृष्ट बचततर्फ नरेन्द्र थापा रहेका छन । यहि असोज १० गते देखि सुरु भएको सभा १६ गते सम्म चल्ने छ ।