काभ्रेको महाभारत गाउँपालिकामा विभिन्न पार्टी परित्याग गरी १०० भन्दा बढि नेता कार्यकर्ता नेपाली काँग्रेसमा प्रवेश गरेका छन् । आज नेपाली काँग्रेसको चियापान तथा शुभकामना आदानप्रदान कार्यक्रमको आयोजना गरेको थियो ।

उक्त कार्यक्रममा नै सो संख्यामा नेता कार्यकर्ता काँग्रेसमा प्रवेश गरेका हुन् । दशैँ,दिपावली र छठ पर्वको अवसरमा आयोजित कार्यक्रममा नेपाली काँग्रेसका महामन्त्री डा. शशांक कोईरालाको प्रमुख अतिथ्यता रहेको थियो ।

कार्यक्रममा काँग्रेस जिल्ला सभापति मधु आचार्य, शिव प्रसाद हुमागाईँ, तीर्थ लामा, गणेश लामा, दिनेश लामा, माहाभारत गाउँपालिकाका सभापति सागर मोक्तान, तेमाल गाउँपालिका अध्यक्ष सलाम सिं तामाङ लगायतले मन्तब्य राखेका थिए ।

कार्यक्रमलाई सम्बोधन गर्दै नेपाली काँग्रेसका महामन्त्री डा. शशांक कोईरालाले अब आउने चुनावमा नेपाली काँग्रेसलाई कुनैपनि पार्टीले हराउन नसक्ने बताएका छन् । उनले अब आउने चुनाबमा सबै जनता मिलेर नेपाली काँग्रेसलाई जिताउन आव्हान समेत गरेका छन् ।