काठमाडौं । मनकामना केबलकार आज एक दिनका लागि बन्द हुने भएको छ ।
नियमित मर्मतसम्भारका लागि एक दिन बन्द हुने र बिहीबारदेखि नियमित सञ्चालनमा आउने मनकामना दर्शन प्रालिले जनाएको छ।
मनकामना केबलकार नेपालको पहिलो केबलकार हो।
गोरखाको सहिद लखन गाउँपालिका-३ स्थित प्रसिद्ध धार्मिकस्थल मनकामनामाईको मन्दिरमा पूजा गर्न जाने दर्शनार्थीको सहजताका लागि चितवनको इच्छाकामना-४ कुरिनटारबाट वि.सं. २०५५ मा उक्त केबलकार सेवा स्थापना भएको थियो।