आइतवार, बैशाख २३, २०८१
काभ्रेको पाँचखालमा पनि निर्वाचन अवरुद्ध भएको छ । पाँचखाल नगरपालिका वडा नं १३ मा विवाद सृजना भएपछि निर्वाचन अवरुद्ध भएको हो ।
नेपाली काँग्रेसका केहि व्यक्तिहरुले निर्वाचन स्थलमा तोडफोड समेत गरेका छन् । श्रीराम माध्यामिक विद्यालयमा रहेका बुथमा तोडफोड र झडप भएको हो ।
मतदान अधिकृतले एकै जनालाई १० वटा मतपत्र दिएको भन्दै सत्तारूढ दलका कार्यकर्ताहरूले विरोध गर्दै तोडफोड गरेका हुन् ।
आक्रोशित भिडले मतपेटिका, कुर्सी, टेबल लगायतका निर्वाचन सामग्रीमा तोडफोड गरेका छन् । तर, प्रहरीले भने मतपेटिका सुरक्षित राखेको छ ।
जिल्ला प्रहरी कार्यालय काभ्रेका प्रहरी प्रमुख एसपी चक्रराज जोशीले मतपत्रको विषयमा विवाद हुँदा झडप भएको बताए ।
