आइतवार, बैशाख २३, २०८१
काभ्रेमा कोभिडका १२२ जना बिरामी निको भएका छन् । स्वास्थ्य कार्यालय काभ्रेले पछिल्लो २४ घण्टामा १२२ जना बिरामी निको भएको बताएको हो ।
त्यस्तै बितेको २४ घण्टामा ६३ जना कोभिडका नयाँ बिरामी थपिएका छन् । आज थपिएका सहित गरेर जिल्लामा कुल कोभिड बिरामीका संख्या ९०७ पुगेको छ ।
सबैभन्दा बढ्री २७६ बनेपा नगरपालिकामा कोभिडका बिरामी रहेका छन् । त्यस्तै धुलिखेल नगरपालिकामा २४४ जना, पनौती नगरपालिकामा १७१ जना, पाँचखाल नगरपालिकामा ७५ जना, नमोबुद्ध नगरपालिकामा ३४ जना र मण्डनदेउपुर नगरपालिकामा २० सक्रिय कोभिडका बिरामी रहेका छन् ।
त्यसैगरी भुम्लुमा १४, रोशीमा १७, तेमालमा ६, चौरीदेउरालीमा १७, बेथानचोकमा १७, महाभारतमा ५ र खानीखोला गाउँपालिकामा १ जना कोभिडका बिरामी रहेका छन् ।
