नेपाली काँग्रेस काभ्रेका नवनिर्वाचित तीर्थ लामाले कार्यकर्ता भेटघाटलाई तीब्रता दिनुभएको छ ।
जिल्ला सभापतिमा निर्वाचित भएपछि खानीखोला गाँउपालिकामा औपचारिक कार्यक्रम गरेर लामाले कार्यकर्ता भेटघाटलाई तीब्रता दिनुभएको हो ।
निजी निवासदेखि पार्टी कार्यालयसम्ममा सभापति लामाले अहिले कार्यकर्ता भेटघाटलाई पहिलो प्राथमिकता दिनुभएको छ । सभापति लामाले खानीखोलामा पुगेर दिएको निर्देशन अनुसार अहिले धमाधम टोल समिति गठन धमाधम भइरहेको छ ।
सभापति लामा अहिले अधिवेशनका प्रतिनिधिलाई धन्यवाद दिन र निर्वाचनलाई लक्षित गरेर पार्टीको स्थानीय तहको नेतृत्वसँग छलफलमा केन्द्रित देखिनुभएको हो ।
निर्वाचन आयोगले स्थानीय तहको निर्वाचन मिति तय गर्ने तयारी गर्दै गर्दा नवनिर्वाचित सभापति लामाले आफ्नो राजनीतिक गतिविधिलाई थप बढाउनुभएको उहाँ निकटहरु बताउँछन् ।
सभापति लामाको पहिलो अग्नी परीक्षा नै स्थानीय तहको निर्वाचन हुने देखिन्छ ।यो पटक कम्युनिष्ट पार्टीको फुटले केहि फाइदा पुगेपनि रणनीतिक ढंगबाट अघि नबढ्ने हो भने काँग्रेसलाई समस्या पर्न सक्छ ।
२०७४ सालमा भएको निर्वाचनमा अधिवंश वडा र पालिकामा नेकपा एमाले र नेपाली काँग्रेस नै मुख्य प्रतिस्पर्धी थिए । तर यो पटक एमाले फुटको असर काभ्रेमा निकै राम्रो परेको छ ।
एमालेका पुराना र संठनमा काबिल मानिएका पुराना नेताहरु सबै नेकपा (एकीकृत समाजवादी) पार्टीमा छन् । प्रदेश र संघ सरकार पनि काँग्रेस सहितको गठबन्धनमै चलेको छ ।
केन्द्रमा नेताहरुले गठबन्धन आगामी निर्वाचनसम्मै रहने भएपनि जिल्ला तहमा नेताहरु भने एकलौटी रुपमा निर्वाचनमा जाने सोच देखिन्छ । खास गरी नेपाली काँग्रेस आफु एकल निर्वाचनमा जाने र अधिकांश ठाउँमा जीत सुनिश्चित भैसकेको दाबी गर्छ ।
सभापति लामाले स्थानीय तहका नेताहरुसँग गठबन्धनका सम्बन्धमा समेत धाराण बुझ्न थालेको बताइएको छ ।