रुपन्देहीका ग्यास उद्योगबाट ग्यास लैजाने लुम्बिनी अञ्चलका ६ जिल्लासँगै स्याङ्जा, प्युठान, रोल्पा र दाङका ग्यास बिक्रेताहरुले उद्योगबाट ग्यास नउठाएका हुन् ।  ५० रुपैयाँको सट्टा ३२ रुपैयाँ कमिसन बनाएको विरोधमा उनीहरुले निरन्तर उद्योगमा धर्ना समेत दिएका थिए । कमीसन बढाउन नसके उद्योगले सिलिण्डर खरिदका लागि डिपोजिट राखेको आफ्नो रकम फिर्ता गर्न माग गर्दै विभिन्न निकायमा समेत पुगेका थिए ।
उद्योगले डिपोजिट रकम फिर्ता नगरी आफूखुसी बजारमा सिलिण्डर बेच्न लागेपछि त्यसलाई रोक लगाएको ग्यास विक्रेता संघले जनाएको छ । पश्चिमका आन्दोलनका कारण अहिले अधिकांश जिल्लाहरुमा ग्यास अभाव देखिएको छ । रुपन्देहीमा सिद्धार्थ, त्रिशुल, बुटवल, स्वस्तिक, आरती नामका पााचवटा ग्यास उद्योग छन् । जसका लुम्बिनी अञ्चलमा मात्र ११ सय ९३ वटा ग्यास डिलर रहेका छन् । आन्दोलनरत विक्रेता र उद्योगीबीच रुपन्देही प्रशासनले पटकपटक वार्ता गरेपनि निष्कर्ष निस्केको छैन ।