मङ्लबार, बैशाख १८, २०८१
काठमाडौं, पुस १७ : पश्चिमी वायुको आंशिक प्रभावले हाल कोशी, बागमती र गण्डकी प्रदेशका पहाडी भूभागमा आंशिक बदली रहेको छ ।
मौसम पूर्वानुमान महाशाखाकाअनुसार तराईका अधिकांश स्थानहरुमा हुस्सु र कुहिरो लागेको छ।
आज दिउँसो कोशी, बागमती र गण्डकी प्रदेशका पहाडी भूभागमा आंशिक बदली भई उच्च पहाडी तथा हिमाली भूभागको एक-दुई स्थानमा हल्का हिमपातको सम्भावना रहेको महाशाखाले जनाएको छ । बाँकी भूभागमा मौसम सफा रहनेछ ।
राति कोशी र गण्डकी प्रदेशको उच्च पहाडी तथा हिमाली भूभागको एक- दुई स्थानमा हल्का हिमपात हुने महाशाखाले जनाएको छ । भोलि (बुधबार) पनि कोशी, बागमती र गण्डकी प्रदेशको उच्च पहाडी तथा हिमाली भूभागको एक-दुई स्थानमा हल्का हिमपातको सम्भावना छ।
राति आंशिक बदली भई कोशी र गण्डकी प्रदेशको उच्च पहाडी तथा हिमाली भूभागको एक- दुई स्थानमा हिउँ पर्ने महाशाखाले जनाएको छ । बिहीबार पनि एक-दुई स्थानमा हिमपातको सम्भावना छ । महाशाखाकाअनुसार आगामी तीन दिन वर्षाको सम्भावना भने छैन ।
