सोमवार, बैशाख १७, २०८१
दुबै मृगौलाले काम गर्न छाडेपछि उपचारका लागि धुलिखेल नगरपालिका वडा नम्बर ९ का सुसन गजुरेलको परिवारले सहयोगको अपील गरेको छ ।
दुबै मृगौला पुनः प्रत्यारोपणका लागि भारत लैजानु पर्ने र परिवारसंग भएको रकमले नभ्याउने भएकाले सहयोगका लागि अपील गरेको बिरामीको परिवारले जनाएको छ ।
‘मृगौला प्रत्यारोपणका लागि भारत लैजानुपर्नेछ । जसका लागि ठूलो चिकित्सा खर्च लाग्नेछ । परिवारसंग भएको रकमले नभ्याउने भएकाले सार्वजनिक रूपमा सहयोगका लागि अपिल गरेका हौँ ।
हामीले कोष जुटाउने प्रयास गरेका छौं । यो कठिन समयमा उहाँलाई मद्दत गरिदिन देशभित्र र बाहिर रहनुभएका सबैसंग अनुरोध गर्दछौँ ।’ २२ बर्षीय सुसन एक बर्ष देखि मृगौला रोगसंग जुधिरहनु भएको छ ।
अहिले पनि हप्ताको दुई पटक डाईलोसिस गर्दै आएको परिवारले जनाएको छ । सहयोग गर्न चाहानेले सुसन गजुरेलको नाममा धुलिखेल स्थित नबील बैंकको शाखामा रहेको खाता नम्बर (04210017507555) मा दाखिला गर्न सक्नुहुनेछ ।
थप जानकारी ९८६०७२२७१५ र ९८५१३२३८३१ मा सम्पर्क गरेर पनि बुझ्न सक्नुहुनेछ ।
