बिहिबार, बैशाख २०, २०८१
सिन्धुपाल्चोक, २७ असारः सिन्धुपाल्चोकमा कोरोना भाइरस संक्रमणबाट थप एक जनाको मृ’त्यु भएको छ । पाँचपोखरी थाङपाल गाउँपालिकाका ४५ वर्षिय पुरुषको आज मृ’त्यु भएको हो । झण्डै ३ महिनादेखि विरामी रहेका उनको काठमाण्डौंमा मृ’त्यु भएको जिल्ला स्वास्थ्य कार्यालय सिन्धुपाल्चोकका बरिष्ठ जनस्वास्थ्य अधिकृत दुर्गादत्त चापागाईंले जानकारी दिनुभयो ।
चाँपागाईका अनुसार मृ’त्यु हुनु अघि नै कोरोना परीक्षण गरिएकोमा पोजेटिभ देखिएको हो । यो सँगै सिन्धुपाल्चोक जिल्लामा कोरोना संक्रमणबाट मृ’त्यु हुनेको संख्या दुई पुगेको छ । यसअघि मुलुकमै पहिलोपटक कोरोना संक्रमण भएर बाह्रबिसे नगरपालिका स्थित राम्चेकी महिलाको मृ’त्यु भएको थियो ।
आज सिन्धुपाल्चोकमा थप ५ जनामा कोरोना संक्रमण देखिएको छ । यो सँगै संक्रमितको संख्या ६१ पुगेको हो । आज थपिएका सबै पाँचपोखरी थाङपाल गाउँपालिकाका हुन् । पाँचै जना भारतबाट आएका ब्यक्तिहरू रहेकाे बताइएकाे छ ।
