सोमवार, बैशाख १७, २०८१
काभ्रे । काभ्रेका कोरोना संक्रमित मध्ये हाल सम्म १२२ जना उपचार पछि निको भएर घर फर्किएका छन् । आज थप तिन जनामा कोरोना संक्रमण पुष्टि भएको स्वास्थ्य कार्यालय काभ्रेका प्रमुख डाक्टर नरेन्द्र कुमार झाले जानकारी दिनुभयो ।
थपिएका संक्रमितहरु बनेपा नगरपालिका एक जना पुरुष र पनौती नगरपालिकाका दुई जना पुरुष छन् । थपिएका नयाँ संक्रमित सहित हाल जिल्लामा संक्रमित हुनेको संख्या ३१९ पुगेको छ ।
उनीहरु मध्ये १२१ जना महिला छन् भने १९८जना पुरुष छन् । हाल जिल्लामा सक्रिय संक्रमित २०० जना छन् । संक्रमित हुने मध्ये१५५ जनाको अस्पताल आईसोलेसनमा उपचर भईरहेको छ भने ४० जना होम आईसोलेसनमा रहेको स्वास्थ्य कार्यालय काभ्रेका प्रमुख डाक्टर झाले जानकारी दिनुभयो ।
